51. fundur

1. Skipan í undirkjörstjórnir - 2411002

Í 17. grein kosningalaga nr. 112/2021 segir í 2. mgr.:

"Í sveitarfélagi sem skipt er í kjördeildir skal sveitarstjórn kjósa jafnmargar undirkjörstjórnir og fjöldi kjördeilda er. Þar sem kjördeildir eru fleiri en ein á sama kjörstað getur sveitarstjórn jafnframt kosið hverfiskjörstjórn til að hafa umsjón með kosningastarfi á kjörstaðnum í umboði yfirkjörstjórnar sveitarfélags. Í sveitarfélagi sem er ekki skipt í kjördeildir gegnir kjörstjórn störfum yfir- og undirkjörstjórna.

Í 3. mgr. sömu laga segir ennfremur:

"Hver yfirkjörstjórn skal skipuð þremur mönnum og jafnmörgum til vara. Hver undirkjörstjórn og hverfiskjörstjórn skal skipuð þremur mönnum og nægilegum fjölda varamanna. Kjörstjórnarmenn skulu eiga kosningarrétt í sveitarfélaginu. Kjörstjórnir kjósa sér oddvita og skipta að öðru leyti með sér verkum."

Sveitarstjórn ákvað á 50. fundi sínum 24. október sl. að í sveitarfélaginu skyldu vera tvær kjördeildir, í Skjólbrekku og Ljósvetningabúð. Því þarf nú að skipa í undirkjörstjórnir í þeim kjördeildum.

Sveitarstjórn samþykkir að eftirtaldir aðilar verði skipaðir í undirskjörstjórnir.

 

Kjörstaður: Gígur Mývatnssveit.

 

Aðalmenn:

Edda Stefánsdóttir

Friðrik Lange

Elín Steingrímsdóttir

Varamenn:

Hrafnhildur Geirsdóttir

Þorlákur Páll Jónsson

Agla Rögnvaldsdóttir

 

Kjörstaður: Ljósvetningabúð

 

Aðalmenn:

Gísli Sigurðsson

Steinn Jóhann Jónsson

Ólína Arnkelsdóttir

Varamenn:

Mjöll Matthíasdóttir

Hávar Örn Sigtryggsson

Katla Valdís Ólafsdóttir

 

Samþykkt samhljóða.

Samþykkt

 

2. Alþingiskosningar 2024 - kjörstaður - 2410028

Á fundi sveitarstjórnar 24. október sl. var ákveðið að kjörstaðir í sveitarfélaginu yrðu tveir, Skjólbrekka og Ljósvetningabúð. Nú liggur fyrir að Skjólbrekka er upptekin á kjördegi. Því liggur fyrir sveitarstjórn að taka ákvörðun um nýjan kjörstað í Mývatnssveit. Fyrir fundinum liggur tillaga um að Gígur, Skútustöðum verði nýr kjörstaður í sveitarfélaginu og komi þá í stað Skjólbrekku.

Sveitarstjórn samþykkir að nýr kjörstaður í Þingeyjarsveit verði á Gíg, Skútustöðum.

 

Samþykkt með sjö atkvæðum Gerðar, Knúts, Arnórs, Jónu Bjargar, Ragnhildar, Árna Péturs og Önnu.

Haraldur og Eyþór Kári sitja hjá.

Samþykkt

 

3. Alþingiskosningar 2024 - skipan kjörstjóra við utankjörfundaratkvæðagreiðslu. - 2410019

Á 30. fundi byggðarráðs var eftirfarandi bókað:

 

Byggðarráð samþykkir að óska eftir við sýslumann að skipa kjörstjóra í húsnæði sveitarfélagsins í Mývatnssveit og á Laugum. Jafnframt er óskinni vísað til staðfestingar í sveitarstjórn til samræmis við 69. gr. kosningalaga nr. 112/2021.

Sveitarstjórn staðfestir bókun byggðarráðs.

 

Samþykkt samhljóða.

Staðfest

 

4. Tónkvíslin - Umsagnarbeiðni vegna tækifærisleyfis - 2411017

Fyrir sveitarstjórn liggur beiðni um umsögn frá sýslumanninum á Norðurlandi eystra vegna umsóknar um tækifærisleyfi frá Nemendafélagi Framhaldsskólans á Laugum kt. 600401-3270 vegna viðburðarins Tónkvíslarinnar sem haldin verður þann 16. nóvember.

Sveitarstjórn gerir ekki athugasemd við útgáfu leyfisins en áður hafði sveitarstjórn samþykkt beiðnina óformlega í tölvupóst þar sem beiðnin barst sveitarfélaginu ekki fyrr en 14. nóvember.

 

Samþykkt samhljóða.

Samþykkt

 

5. Alþingiskosningar 2024 - kjörskrá - 2410019

Fyrir sveitarstjórn liggur til kynningar kjörskrá vegna alþingiskosninga 30. nóvember 2024.

Lagt fram

 

 

Fundi slitið kl. 11:39.