75. fundur

haldinn í Þingeyjarskóla mánudaginn 11. febrúar kl. 15:00

Fundarmenn

Margrét Bjarnadóttir, formaður

Böðvar Baldursson

Hanna Jóna Stefánsdóttir

Hanna Sigrún Helgadóttir

Sigurbjörn Árni Arngrímsson

Jóhann Rúnar Pálsson, skólastjóri Þingeyjarskóla

Nanna Marteinsdóttir, deildarstjóri í Barnaborg

Þorbjörg Jóhannsdóttir, fulltrúi kennara við Þingeyjarskóla

Hrannar Gylfason, fulltrúi foreldra við Barnaborg

Deildarstjóri Krílabæjar og fulltrúar foreldra við grunnskóladeild og Krílabæ boðuðu forföll

Bjarni Reykjalín sat fundinn undir fyrsta lið

Fundargerð ritaði: Hanna Sigrún

Dagskrá:

Erindi frá sveitarstjórn: Leikskólinn Barnaborg – 1804047. Fyrirliggjandi teikningar til umfjöllunar.
Málefni frá skólastjóra.
Frá Menntamálastofnun; Kynning á hlutverki og skipun fagráðs eineltismála í grunn- og framhaldsskólum.

Fyrir fundinn sýndi Nanna nefndarmönnum núverandi húsnæði Barnaborgar.

Margrét setti fundinn.

1. Erindi frá sveitarstjórn: Leikskólinn Barnaborg – 1804047. Fyrirliggjandi teikningar til umfjöllunar.

Bjarni Reykjalín fór teikningar af nýju húsnæði Barnaborgar, hugmynd D. Fram fór umræða í kjölfarið og Bjarni sýndi svo fundarmönnum rýmið.

Skólaráð hefur fundað um málið og komu engar athugasemdir fram.

Fræðslunefnd lýsir ánægju með þá vinnu sem fram hefur farið við hönnun rýmisins. Nefndin bendir á að skoða þarf lausnir á þurrkaðstöðu fyrir föt nemenda og að einhverjir gluggar verði í sjónhæð nemenda.

2. Málefni frá skólastjóra

Jóhann segir frá því að 9. bekkur hafi farið í ferð á Lauga í Sælingsdal í síðustu viku. Mikil ánægja er með dvöl nemendanna á Laugum og vonast Jóhann til að framhald verði á þessum ferðum eftir að starfsemin flyst á Laugarvatn næsta vetur.

Annarskil verða í næstu viku og vetrarfrí verður 28. feb. – 1. mars.

Marimbasveit skólans hefur verið á faraldsfæti og kom m.a. fram á Africa festival í Reykjavík og við opnun Vaðlaheiðarganga.

Mikið hefur verið um forföll starfsfólks í leik- og grunnskóladeildum og töluvert álag á starfsfólki þess vegna.

Auglýsa þarf eftir íþróttakennara og sérkennara fyrir næsta vetur.

Vinna við ytra mat skólans er hafin. Verða aðilar á vegum Menntamálastofnunar í skólanum dagana 20. – 21. mars.

Jón Pétur danskennari kom og kenndi dans í leik- og grunnskóladeildum í viku í lok janúar og var mikil ánægja með hans vinnu.

Samstarf við Framhaldsskólann á Laugum hefur verið aukið og gengur vel. Sigurbjörn segir nemendur Þingeyjarskóla hafa staðið sig mjög vel í þeim áföngum sem þeir hafa tekið í FL.

3. Frá Menntamálastofnun; Kynning á hlutverki og skipun fagráðs eineltismála í grunn- og framhaldsskólum.

Margrét las bréf frá Menntamálastofnun. Fagráð eineltismála í grunn- og framhaldsskólum var skipað af Lilju D. Alfreðsdóttir mennta- og menningarmálaráðherra 13. febrúar 2018 og hefur tekið til starfa. Hlutverk fagráðsins er að veita skólasamfélaginu stuðning vegna eineltismála með almennri ráðgjöf, leiðbeiningum og upplýsingagjöf.

Fleira ekki gert og fundi slitið 17:20

Til baka