62. fundur
Fundargerð
Fræðslunefnd
05.12.2016
62. fundur
haldinn í Stórutjarnaskóla mánudaginn 05. desember kl. 15:00
Margrét Bjarnadóttir, formaður
Hanna Sigrún Helgadóttir
Vagn Sigtryggsson
Sigurlaug Svavarsdóttir
Ólafur Arngrímsson, skólastjóri Stórutjarnaskóla
Sigrún Jónsdóttir, fulltrúi kennara við Stórutjarnaskóla
Marika Alavere, fulltrúi foreldra við Stórutjarnaskóla
Böðvar Baldursson boðaði forföll
Gísli Sigurðsson, skrifstofustjóri Þingeyjarsveitar sat fundinn undir lið 1
Dagskrá:
- Fjárhagsáætlun Stórutjarnaskóla fyrir árið 2017
- Gjaldskrá fyrir mötuneyti Stórutjarnaskóla
- Gjaldskrá fyrir leikskóla og tónlistarskóla í Þingeyjarsveit
- Málefni frá skólastjóra
- Bréf – nýjar úthlutunarreglur Námsgagnasjóðs
Margrét setti fundinn og lagði fram tillögu um að bæta við 6. lið, jafnréttisfræðsla í skólum sveitarfélagsins. Samþykkt samhljóða.
1. Fjárhagsáætlun Stórutjarnaskóla fyrir árið 2017
Farið yfir fjárhagsáætlun grunnskóladeildar, leikskóladeildar og tónlistardeildar Stórutjarnaskóla fyrir árið 2017.
Fræðslunefnd leggur til að fjárhagsáætlun verði samþykkt. Eftir á að uppfæra launaliði vegna nýgerðra kjarasamninga við grunnskólakennara. Einnig er óvissa um launaliði í tónlistardeild vegna lausra kjarasamninga tónlistarkennara.
2. Gjaldskrá fyrir mötuneyti Þingeyjarskóla
Margrét lagði fram tillögu að gjaldskrá fyrir mötuneyti Stórutjarnaskóla frá 1. janúar 2017. Lagt er til að gjaldskrá verði óbreytt frá árinu 2016.
Fræðslunefnd samþykkir gjaldskrána fyrir sitt leyti.
3. Gjaldskrá fyrir leikskóla og tónlistarskóla í Þingeyjarsveit
Framhald umræðu frá síðasta fundi
Tillaga um að báðar gjaldskrár hækki um 2,5%.
Fræðslunefnd samþykkir gjaldskrána fyrir sitt leyti.
4. Málefni frá skólastjóra
Ólafur segir skólastarf ganga ágætlega. Almenn umræða um skólastarfið, viðhaldsþörf o.fl. Skipta á um skilrúm milli skólastofa á næstunni. Jólatónleikar verða n.k. föstudag, 9. desember, og taka nemendur grunn- og tónlistarskóladeilda þátt í dagskránni. Ný skólanámskrá er í burðarliðnum.
5. Bréf – nýjar úthlutunarreglur Námsgagnasjóðs
Margrét segir frá bréfi frá Sambandi íslenskra sveitarfélaga um nýjar úthlutunarreglur Námsgagnasjóðs og fór yfir helstu breytingar.
6. Jafnréttisfræðsla í skólum sveitarfélagsins
Margrét sagði frá því að gert sé ráð fyrir peningum í fjárhagsáætlun Félags- og menningarmálanefndar fyrir árið 2017 til jafnréttis-/kynjafræðslu í grunnskólum sveitarfélagsins.
Fræðslunefnd hvetur skólastjóra til að nýta sér þetta.
Fleira ekki gert og fundi slitið 16:30
