Fundargerð
Brunavarnanefnd
28.04.2022
35. fundur
Brunavarnanefnd
haldinn í Kjarna fimmtudaginn 28. apríl kl. 11:00
Rætt var um bakvaktir stjórnenda en samkvæmt 7. reglugerðar 747/2018 skal „slökkviliðsstjóri, varaslökkviliðsstjóri eða stjórnandi sem uppfyllir hæfniskröfur viðkomandi slökkviliðs skal ávallt vera á vakt eða á bakvakt og til staðar á starfssvæði slökkviliðsins.“
Bjarni gerði grein fyrir því að búið er að fara með stjórnendur slökkviliða í gegn um starfsmat og í kjölfarið á því að endurraða í launatöflur. Lokafrágangur kjarasamnings slökkviliðsstjóra, landssambands slökkviliðsmanna og samninganefndar sveitarfélaga er í gangi og binda menn vonir við að klára hann núna á vordögum.
Ákveðið að hinkra með endanlegan frágang varðandi bakvaktir þar til kjarasamningur liggur fyrir. Bjarni benti þó á brýna þörf á því að tryggja fyrirkomulag helst nú fyrir sumarið.
Slökkviliðsstjóri gerði grein fyrir fundi sem hann átti með starfsmanni Umhverfisstofnunar á Mývatnssvæði varðandi aðkomu slökkviliðs að ýmsu sem snýr að slökkviliðs og mengunarmálum og samstarfi við Umhverfisstofnun. Slökkviliðsstjóri sagði fundinn hafa verið mjög jákvæðan og gerði ráð fyrir áframhaldi á þessu samstarfi.
Slökkviliðsstjóri fór stuttlega yfir stöðu mála á slökkvistöðvum liðsins. Fyrirhugaðar breytingar á slökkvistöð Laugum og löngu tímabærar breytingar á aðstöðu slökkviliðsins í Mývatnssveit.
4. Skýrsla slökkviliðsstjóra.
Yfirferð slökkviliðsstjóra sneri að nýliðum sem áformað er að ná inn í liðið í vor og haust. Slökkviliðsmönnum með réttindi reykkafara hefur fækkað af ýmsum ástæðum og þörf er á endurnýjun. 8 nýliðar hafa verið kallaðir til og munu byrja á því að sæta læknisskoðun og þrekprófi. Í framahaldi af því hefja þeir nám í Brunamálaskólanum.
Æfingar og námskeið hafa hrokkið í gang eftir „covid dvala“ og verður komið á fullan snúning í haust.
Slökkviliðsstjóri gerði grein fyrir breytingu á fyrirkomulagi útkalla sem snúa að vettvangsliðum slökkviliðsins. Svokölluð „skuggaboð“ eru nú send á vettvangsliða/slökkviliðsmenn þegar sjúkrabifreið á F1 forgangi er send inn á starfssvæði slökkviliðsins. Þetta hefur í för með sér aukinn fjölda útkalla og kallar jafnvel á endurskoðun þess fjármagns sem áætlað var í útköll á árinu. En um leið meira og þá væntanlega betra viðbragð þegar aðstoðar er þörf.
Fleira ekki bókað.