Fundargerð
Atvinnumálanefnd
05.12.2018
26. fundur
haldinn í Seiglu miðvikudaginn 05. desember kl. 17:00
Árni Pétur Hilmarsson, formaður
Einar Örn Kristjánsson
Friðrika Sigurgeirsdóttir
Freydís Anna Ingvarsdóttir
Friðgeir Sigtryggsson
Helga Sveinbjörnsdóttir
Dagskrá:
1. Breytingar á erindisbréfi fjallskilastjóra
Erindi vísað til atvinnumálanefndar frá sveitarstjórn:
Fjallskil tekin til umræðu ásamt erindisbréfi fjallskilastjóra í Þingeyjarsveit.
Sveitarstjórn felur Atvinnumálanefnd að endurskoða erindisbréf fjallskilastjóra með hliðsjón að fjallskilasamþykkt nr. 618/2010.
Fyrir þennan fund atvinnumálanefndar var fundað með fjallskilastjórum Þingeyjarsveitar. Allir fjallskilastjórar mættu og áttu gott samtal við sveitarstjóra og hluta atvinnumálanefndar.
Á fundi nefndarinnar var farið yfir tillögur breytinga á erindisbréfi fjallskilastjóra, en bréfið má finna á heimasíðu Þingeyjarsveitar. Eftirfarandi breytingar voru samþykktar og verða lagðar fyrir sveitarstjórn:
Í þriðju grein 2.kafla um hlutverk fjallskilastjóra:
Grein var áður:
Fjallskilastjórar skulu hver fyrir sig og eftir þörfum sameiginlega ákveða gangna- og réttardaga viðkomandi fjallskilasvæðis. Skal þeirri ákvörðun lokið fyrir 10. ágúst ár hvert.
Grein eftir breytingu:
Fjallskilastjórar skulu sameiginlega ákveða gangna- og réttardaga í Þingeyjarsveit. Skal þeirri ákvörðun lokið fyrir 1. júlí ár hvert. Við ákvarðanatökuna skal höfð hliðsjón af öðrum gangna- og réttardögum innan fjallskilasvæðis.
Í sjöundu grein 2.kafla um hlutverk fjallskilastjóra:
Grein var áður:
Fjallskilastjóri skal fylgjast með ástandi girðinga og vega á sínu svæði og gera tillögur til sveitarstjórnar um úrbætur.
Grein eftir breytingu:
Fjallskilastjóri skal fylgjast með ástandi girðinga og afréttarvega á fjallskilasvæðinu og gera tillögur til sveitarstjórnar um úrbætur.
2. Húsnæðismál
Erindi vísað til nefndar frá sveitarstjórn skv. fundargerð 241.fundar:
„Sveitarstjórn samþykkir að fela Atvinnumálanefnd að kanna möguleika og valkosti við uppbyggingu íbúðarhúsnæðis í sveitarfélaginu. Nefndinni er ætlað að skila framvinduskýrslu til sveitarstjórnar fyrir 1. nóvember n.k. Jafnframt samþykkir sveitarstjórn að umsjónarmaður framkvæmda- og fasteigna verði starfsmaður Atvinnumálanefndar.”
ÁPH hefur rætt aftur við Búfesti. Nokkuð öruggt er að ekki verði reist hús næsta sumar, þ.e. 2019, á vegum Búfestis í sveitarfélaginu. Ekki er talið líklegt að prufuhús verði reist í sveitarfélaginu. Ef við viljum byggja á meiri hraða eru þeir með fleiri sambönd við framleiðendur erlendis. Þá er rætt um u.þ.b. 1 ár frá samkomulagi að fullbúnu húsi. Húsnæði yrði þá tilbúið í fyrsta lagi 2020.
Búfesti hefur sent okkur drög að viljayfirlýsingu sem nefndin las yfir á fundinum. Formaður mun ásamt sveitarstjóra klára yfirlýsinguna, undirrita og koma til Búfestis.
ÁPH hefur rætt við verktaka sem eru í samvinnu við Th.E ráðgjöf og mun fá upplýsingar frá þeim þegar þeirra samvinna er lengra komin. Sá verktaki er tilbúinn að vera okkur til aðstoðar í ferlinu ef sú leið verður valin.
EÖK hefur skoðað innlenda framleiðslu tveggja framleiðenda.
SG hús hafa sent okkur tilboð í timburhús, fullgert á bitum. EÖK hefur beðið um verð í hús á steyptum grunni sem og upplýsingar um flutning og afgreiðslufrest.
VHE einingarverksmiðja á Egilsstöðum getur gefið okkur tilboð í einingahús eftir teikningu.
Nefnd sammælist um að skoða frekar húsin frá SG húsum.
Fyrir næsta fund mun nefnd halda áfram að fylgja þeim málum eftir sem eru í gangi, þ.e.
Fleira ekki gert og fundi slitið kl. 18.00