Skólastefna Þingeyjarsveitar - skráning á íbúafundi

Veljið tengil hér neðan við til skráningar á íbúafundi:

Skráning á íbúafund. 

Skólastefna Þingeyjarsveitar

Íbúafundir

Mánudagur 24. apríl kl. 20-22 í Ýdölum

eða

Þriðjudagur 25. apríl kl. 17-19 í Skjólbrekku

Nú stendur yfir vinna við nýja skólastefnu sveitarfélagsins undir handleiðslu ráðgjafa frá Skólastofunni slf. Það er ákaflega mikilvægt að sjónarmið allra hagsmunaaðila birtist í stefnunni þannig hún verði okkur gott veganesti til framtíðar.

Við hvetjum alla íbúa til þess að mæta á íbúafund, hvort heldur sem er í Ýdölum eða Skjólbrekku. Það er mikilvægt að raddir ykkar heyrist því skólar eru þungamiðja samfélagsins og skipta okkur öll máli.

Mikil sóknarfæri er að finna í ólíkum sjónarmiðum og víðtækri reynslu allra íbúa. Skólastefna er sáttmáli um skólamálin og því áríðandi að sem allra flestir leggi sitt af mörkum.

Á íbúafundunum verður hópavinna um stöðu skóla- og frístundamála í sveitarfélaginu – styrkleika, veikleika, áskoranir, sóknarfæri, skólaskipan og framtíðarsýn.

Vegna undirbúnings eru væntanlegir þátttakendur beðnir um að skrá sig á heimasíðu Þingeyjarsveitar eða í síma 464-3322. Vakni spurningar má senda tölvupóst á Ástu F. Flosadóttur, verkefnastjóra, asta.flosadottir@thingeyjarsveit.is.

Hlökkum til að sjá ykkur og munið eftir að skrá ykkur

Stýrihópur um skólastefnu Þingeyjarsveitar