Stjórnsýsla

FUNDARGERÐ

Sveitarstjórn Þingeyjarsveitar

94. fundur

í Kjarna fimmtudaginn 12. janúar  2012 kl. 13:00

Dagskrá:

1.      Fundarsetning:

2.      Veisusel - áhættumat:

3.      Umferð vélhjóla um Bíldsárskarð:

4.      Hróarsstaðir – eignaskiptasamningur:

5.      Skipulagsfulltrúi:

Mætt: Ólína Arnkelsdóttir, Arnór Benónýsson,  Ásvaldur Þormóðsson,  Ásta Svavarsdóttir, Friðrika Sigurgeirsdóttir Margrét Bjarnadóttir og Árni Pétur Hilmarsson auk sveitarstjóra sem ritaði fundargerð.

1.      Fundarsetning:

Oddviti setti fund. Hann óskaði eftir að tekið yrði á dagskrá undir 6. lið; Viðræður við Norðurþing um Hafralækjarskóla, undir 7. lið, Aðalfundur Hrafnabjargarvirkjunar og til kynningar fundargerð HNE nr. 140.

2.      Veisusel - áhættumat:

Tekið fyrir erindi frá Teiti Jónssyni þar sem hann óskar eftir að því að framkvæmt verði hættumat vegna ofanflóða í Veisuseli.

Samþykkt að óska eftir því við Veðurstofu Íslands að gert verði hættumat vegna Veisusels með tilliti til ofanflóða. Sveitarstjóra falið að óska eftir matinu.

3.      Umferð vélhjóla um Bíldsárskarð:

Lagt fram bréf frá Eyjarfjarðarsveit, dags. 29. desember 2011, varðandi umferð um Bíldsárskarð.

Samþykkt að vísa erindinu til Skipulags- og umhverfisnefndar og hún ræði við fulltrúa Eyjarfjarðarsveitar, fjallskilastjóra og landeigendur.                                                                                                                                                                                                                                                                                                                                                  

4.      Hróarsstaðir – eignaskiptasamningur:

Eigendur lóðanna Hróarsstaða 153253 og 202547 óska eftir samþykki fyrir afmörkun lóðarinnar Hróarsstaðir 153253 samkv. teikningu frá Verkfræðistofu Norðurlands, dags. 23/2 2011, og um leið sameiningu lóðanna Hróarsstaðir 202547 og 153253.

Samþykkt að vísa erindinu til Skipulags- og umhverfisnefndar.

5.      Skipulagsfulltrúi:

Gerð var grein fyrir stöðu mála og viðtölum við valda umsækjendur varðandi ráðningu sameiginlegs skipulagsfulltrúa fyrir Skútustaðahrepp og Þingeyjarsveit.

6.      Viðræður við Norðurþing um Hafralækjarskóla:

Ólína gerði grein fyrir bréfi sem hún skrifaði Norðurþingi varðandi endurskoðun á rekstrarsamningi um skólahald í Hafralækjarskóla og húsnæðismál. Samþykkt að oddviti og varaoddviti gangi til samninga við Norðurþing og Tjörneshrepp um rekstur skólans og rekstur og eignarhald skólahúsnæðisins.

7.      Aðalfundur Hrafnabjargavirkjunar:

Lagt fram fundarboð aðalfundar Hrafnabjargarvirkjunar sem haldinn verður 27. febrúar nk. í húsnæði OR. Samþykkt að sveitarstjóri fari með umboð sveitarfélagsins á fundinum.

Til kynningar:

a)      Fundargerð HNE nr. 140:

Lögð fram.

Fleira ekki gert og fundi slitið kl. 15:15

Ólína Arnkelsdóttir

Arnór Benónýsson

Ásvaldur Þormóðsson

Ásta Svavarsdóttir

Friðrika Sigurgeirsdóttir

Árni Pétur Hilmarsson

Margrét Bjarnadóttir